"Çelsi"nin hücumçusu sıradan çıxdı
İngiltərənin "Çelsi" klubu ciddi itki ilə üzləşib.
Qol.Az-ın İspaniya mətbuatına istinadən verdiyi məlumata görə, Çempionlar Liqasının qrup mərhələsində "Bazel"lə matçda zədələnən Samuel Eto’Onun 2 həftə yaşıl meydanlardan uzaq qalacağı bildirilib.
Kamerunlu hücumçunun yerinə London klubunda Fernando Torresin forma geyinəcəyi gözlənilir.
Qeyd edək ki, "Çelsi" sabah Premyer Liqada "Sauzhempton"la qarşılaşacaq.
Qustavo: "Barselona" mənimlə maraqlanmır"
Almaniyanın "Volfsburq" klubunun yarımmüdafiəçisi Luis Qustavo haqqında yayılan xəbərlərə münasibət bildirib.
Qol.Az-ın məlumatına görə, braziliyalı futbolçu qışda komandasını dəyişməyəcəyini açıqlayıb:
"Düzünü desəm, mənim komandamı dəyişməyim müzakirə mövzusu deyil. "Barselona"ya gəlincə, bu çoxdankı hekayədir. Hazırda Kataloniya klubu mənimlə maraqlanmır. "Volfsburq"la müqaviləm var və qışda komandanı tərk etməyi düşünmürəm".
"Real" Ronaldonun ayaqlarını sığortaladı
"Real" (Madrid) klubu əsas futbolçusu Kriştiano Ronaldonun ayaqlarını yenidən sığortalayıb.
Qol.Az-ın İspaniya mətbuatına istinadən verdiyi məlumata görə, portuqaliyalı hücumçunun ayaqlarında böyük bir problem yaranarsa, kluba 103 milyon təzminat ödəniləcək.
Qeyd edək ki, Madrid klubu futbolçuların sığortalanması üçün ümumilikdə ildə 1 milyon avro ödəyir.
Hörmətli ziyarətçi, Siz qeydiyyatdan keçməmiş istifadəçi kimi sayta daxil olmusunuz.
Biz Sizə
qeydiyyatdan keçməyi və ya öz adınz ilə sayta daxil olmağı məsləhət görürük.