Rusiyanın paytaxtı Moskva şəhərindəki Biryulovo rayonunda qətl törətməkdə ittiham olunan Orxan Zeynalovun işi ilə bağlı maraqlı faktlar üzə çıxıb.
Yerli medianın araşdırmaları zamanı məlum olub ki, həmyerlimiz öldürülən Yeqor Şerbakovun sevgilisi Kseniya Popovu uzun müddətdir tanıyırmış. Hətta mərhumun sevgilisi Orxan Zeynalovdan külli miqdarda borc almış və onu uzun müddət geri qaytarmamışdır.
Qeyd edək ki, 25 yaşlı azərbaycanlıya hələlik 2 ay həbs qətimkan tədbiri seçilsə də, Yeqor Şerbakovun öldürüldüyü gecə tərəflər arasında məhz qaytarılmamış pula görə mübahisənin yarandığı bildirilir.
Məlumat üçün bildirək ki, Rusiya telekanalları oktyabrın 10-da Yeqor Şerbakov adlı şəxsin qətlində şübhəli bilinən Orxan Zeynalovun həbsi ilə bağlı videogörüntülər yayıblar. Polisin verdiyi məlumata görə, Orxan Moskvaya yaxın Kolomna şəhərində tutularkən xüsusi təyinatlılara müqavimət göstərib. O, Moskvaya gətirilərkən qeyri-rəsmi söhbətdə qətli boynuna alıb. Lakin həmyerlimiz sonradan məhkəmə zamanı ilkin ifadəsini təzyiq altına verdiyini açıqlayıb.
Hörmətli ziyarətçi, Siz qeydiyyatdan keçməmiş istifadəçi kimi sayta daxil olmusunuz.
Biz Sizə
qeydiyyatdan keçməyi və ya öz adınz ilə sayta daxil olmağı məsləhət görürük.