Bakıda yoxa çıxan 15 yaşlı qız ailəsinə müəmmalı sms yazıb - FOTO
Bakının Xətai rayonu ərazisində məktəbli qız itkin düşüb. İtkin düşən qızın qardaşı Vasif Bağırov Milli.Az-a müraciət edərək bildirib ki, 15 yaşlı bacısı Türkan Vaqif qızı Bağırova avqustun 4-də Xətai rayonu, Qvardiya küçəsi 44, ev 1D ünvanından çıxıb və bir daha geri qayıtmayıb.
Qardaşının sözlərinə görə, T.Bağırova evdən gedəndən sonra başqa mobil telefondan sms yazaraq həmin nömrənin sahibi ilə evli olduğunu deyib. Polis əməkdaşları həmin nömrənin sahibini polisə gətirib dindirsələr də, bir şey alınmayıb. Həmin şəxs sms yazılan nömrənin ona məxsus olduğunu, lakin bir müddət əvvəl itirdiyini deyib. Polis "Əhmədli" metrosunun yaxınlığındakı 95 saylı məktəbin tikintisində fəhlə işləyən həmin gəncin izahatını aldıqdan sonra sərbəst buraxıb.
V.Bağırov onu da əlavə edib ki, bacısı 11-ci sinif şagirdi olub və Tibb Universitetinə hazırlaşırdı. Uzun müddət polis işləmiş atası isə qızının itkin düşməsindən sonra dünyasını dəyişib.
Xətai Rayon Polis İdarəsindən Milli.Az-a bildirildi ki, T.Bağırovanın axtarışları davam etdirilir. Hələlik qızın taleyi barədə heç bir məlumat öyrənmək mümkün olmayıb.
Anar Məmmədov Milli.Az
Hörmətli ziyarətçi, Siz qeydiyyatdan keçməmiş istifadəçi kimi sayta daxil olmusunuz.
Biz Sizə qeydiyyatdan keçməyi və ya öz adınz ilə sayta daxil olmağı məsləhət görürük.