Konstitusiya. Maddə 1.

Hakimiyyətin mənbəyi:

Konstitusiyanını birinci maddəsinə görə, dövlət hakimiyyətinin yeganə mənbəyi Azərbaycan xalqıdır. Bu o deməkdir ki, xalqdan yüksək olan heçnə yoxdur və bu hakimiyyət ən demokratik hakimiyyətdir. Xalq hakimiyyəti Azərbaycan Respublikasının demokratik mahiyyətinin ana xəttini təşkil edən başlıca ideyadır. 

Azərbaycan Respublikası Konstitusiyasına əsasən, Azərbaycan xalqı Azərbaycan Respublikası ərazisində və ondan kənarda yaşayan, Azərbaycan dövlətinə və onun qanunlarına tabe sayılan Azərbaycan Respublikası vətandaşlarından ibarətdir.

Hakimiyyətin mənbəyi rolunda çıxış edən Azərbaycan xalqı bu hüququnu referendum və seçkilər əsasında həyata keçirir. Referendum latın sözü olub, “məlumat verirəm”, “məruzə edirəm” deməkdir və ilk dəfə 1739-cu ildə İsveçrədə keçirilmişdir.

Azərbaycan Respublikasında isə referendum ilk dəfə 1991-ci il martın 17-də SSRİ-nin saxlanması ilə əlaqədar keçirilmişdir. Respublikamızda növbəti referendumlar aşağıdakı tarixlərdə keçirilmişdir:

1991-ci il dekabrın 29-da Azərbaycan Respublikasının dövlət müstəqilliyi ilə əlaqədar; 

1993-cü il avqustun 29-da prezident Ə.Elçibəyə etimad göstərilməsi ilə əlaqədar; 

1995-ci il noyabrın 12-də Azərbaycan Respublikasının Konstitusiyasının qəbulu ilə əlaqədar;

2002-ci il avqustun 24-də Azərbaycan Respublikası Konstitusiyasına dəyişikliklər edilməsi ilə əlaqədar; 

2009-cu il martın 18-də Azərbaycan Respublikası Konstitusiyasına əlavələr və dəyişikliklər edilməsi ilə əlaqədardır.

Qeyd,Mövzunun davamı, eyni adlı forum mövzusunda olacaq. Müzakirə, sual, əlavə biliklərinizi paylaşa bilərsiniz.

Yazdıqlarımız siyasi məqsəd daşımır. Bu maarifləndiricidir..

Biliklənmək diləyi ilə!