Palçıq vannası sadəcə gözəlləşdirmir...

Gənc qalmaq və gözəl görünmək üçün getmədiyimiz salon, istifadə etmədiyimiz krem qalmayıb. Amma yenə də istədiyimiz nəticəni əldə edə bilmirik. Bu halda mütəxəssislər palçıq vannası qəbul etmək tövsiyə edir. Palçıq vannasının ağlagəlməz faydaları var.

Ağciyərlər kimi dərinin nəfəs almağa ehtiyacı var. Şəhərin tozlu-bürkülü havası dərinin oksigensiz qalmasına və daha tez yaşlanmasına səbəb olur. Palçıq vannası vücudunuzda tıxanmış məsamələr açmağa və dərinin ehtiyac duyduğu mineralları əmməyə kömək edir.

Palçığın fərqli və çeşidli tərkibi ola bilər. Məsələn, tərkibində radioaktiv elementlər və kükürd olan palçıq rovmatizma, dəri xəstəlikləri, ciyər və dalaq problemlərini aradan qaldırmağa kömək edir. Həmçinin də mədə və həzm sisteminə də yararları olduğu deyilir. Bəzi palçıq vannalarının tərkibində vulkanik kül və çeşidli minerallar var.

Bəzi dillərdə “moor” yəni, müalicəvi, yaxşılaşdırıcı torpaq adalandırılan palçıq vannalarının tərkibində müxtəlif vitamin və təbii antibiotik var.

Palçıq yüngül ağrıları sağaldır, qan dövranını sürətləndirir, əzələləri rahatladır, dərini tozdan təmziləyir və təmiz hala salır.

Hüceyrəni yeniləyir. Kollagen istehsalını artıran antioksodant olduğu üçün dərini qocalmağa qoymur.

Sıxlaşdırıcı: Dəri üzərindəki ölü hüceyrələri, çirkləri təmizləyici xüsusiyyəti olduğu üçün sıxlaşdırıcı təsirləri də var.

Yorğunluq, stress və bəzi xəstəliklərdən dolayı yaranan əzələ və sümük problemlərini aradan qaldırmağa qadirdir. İmmunitet sitemini də gücləndirir. Stressi azaltmaq üçün palçıq vannası ideal vasitədir. Buna görə də idmançılar üçün çox faydalıdır.

Palçıq vannası qəbul etdikdən sonra sərin duş qəbul edilməsi tövsiyə edilir.

Palçıq vannasından sonra xüsusən qulaq arxasında və saç diblərində xırda plaçıq qalıqları qalır. Onları təmizləməyi unutmamaq lazımdır.

Palçıq vannası qəbul etdikdən sonra yuxu keyfiyyəti daha da artır.

Palçıq vannasından sonra sabun istifadə etmək olmaz. Palçığın içindəki bitki mənşəlli tərkiblər təbii təmizləyici və müalicəvi əhəmiyyətlidir.

Palçıq vannaya heç bir zərər vermir. Çünki suda əriyən palçıq ləkə buraxmadığı kimi boruları da tıxamır.

Paçlıq vannasının saçlara heç bir əks təsiri yoxdur.