Qoç - iş gərgin olacaq və stressdən qurtulmaq üçün əsəbiləşməyin. Tapşırıqların öhdəsindən gəlməyə çalışın. Bilavasitə vəzifə borcunuz olan məsələlərdən yayınmayın.

Yeni İlə hazırlaşın. Evdə qayda yaratmaq artıq bu günün işidir. 
Yeni planlar üçün əlverişli gündür.

Axşam saatlarınızı yaxınlarınızla birlikdə keçirin.
Maliyyə məsələlərinin çözümü istiqamətində konkret addımlar atın.

Buğa - planlar, dəyərləndirmələr, niyyətlərdə dəyişiklik və yeniliklər vaxtıdır. İlin sonuclarını düşünməyə, gələcəklə bağlı planlar qurmağa vaxt tapın. Bütün sahələrdə və işlərdə praqmat olun.

Ətrafınızda yaşanan hadisələri diqqətlə izləyin, təfərrüatları nəzərdən qaçırmayın. Tələsməyin, iş yoldaşlarınız və tərəfdaşlarınızın əhvalı ilə istəklərini anlamağa çalışın.
Ətrafınızdakı insanlarla münasibətlərdə nə zaman və hansı səhvlərə yol verə biləcəyinizi düşünün. 

Hissiyatınıza güvənin.
Yaxınlarınız və ya dostlarınızdan birinə yardım istisna deyil.

Əkizlər - Venera ilə Yupiter həyatınızdakı gərginliyi artıracaq, emosiyaları kəskinləşdirəcək. Sizi narahat edən və qayğılandıran məsələ bəlkə heç bu yaşantılara dəyməz. Fəal olun, zərbələri dəf edin.

Rəqiblər fəallaşıblar. Bədxahların sizə qarşı yeni plan qurduqları istisna deyil.
Ailənin bayram hazırlıqlarında maksimum iştirak edin.

Axşam saatlarında bir qədər tək qalaraq yaxın günlər və həftələrlə bağlı planları düşünün. 
Sevdiyiniz insanla münasibətlərdə qarşıdurmaya yol verməyin. Yoxsa daha ciddi böhran yarana bilər.

Xərçəng - günün emosional baxımdan qarmaqarışıq, müvazinətsiz olması sizi alış-verişdə bədxərcliyə vadar etməsin.

Bununla belə, bayram xərclərindən qaçmağa çalışmayın.
İfrata varmayın, soyuqqanlı olun.

Maraqlarınızın təminatı və ya tanışlıq üçün görüş ola bilər. Maraqsız və xoş olmayan ünsiyyətə dözmək ehtiyacı yaranarsa, dözün.
Axşam saatlarında əməllicə istirahət edin.

Şir - Veneranın Yupiterlə müxalifəti istəklərinizin imkanlarınızla nə qədər uyğun və fərqli olduğunu aşkar göstərəcək. 

Təşəxxüssüz və eqoizminizin təminatı, ani təssüratlar və həzz almağa yönəlmiş işlərə yox, perspektiv üçün optimal əməllərə və imkanlara üstünlük verin.
Praktik işlərə yönəlin, şəxsi həyatınızda hələlik həlli olmayan problemləri düşünüb bədbinliyə qapılmayın.

Təşəbbüsünüz və iştirakınız olmadan nələrsə hərəkətə gəlir. Prioritet dəyişiklikliyi baş verir, hansısa iddialardan imtina olunur.
Köhnələn və dəbdən düşən əşyalardan, gərəksiz nəsnələrdən qurtulun, qayda yaradın.

Qız - bu günlə bağlı ciddi və ya genişmiqyaslı planlar qurmayın. Qəflətən yaranan və spontan inkişaf edən şərtlər üçün yetərli "lütf" bəsdir. Gün ərzində gərginlik, görüləcək işlərin həcmi artacaq.

Ailə-məişət qayğıları da dərhal həllini tələb edir.
Ailə üzvləriniz və yaxınlarınızın qayğıya, diqqətə ehtiyacı var.

Çox yeməyin, əsəbi və gərəksiz təmaslara varmayın. Sonradan yerinə yetirilməsi ağır olacaq vədlər verməyin. Sizi buna vadar etməyə çalışacaqlar, amma aldanmayın.

Emosional situasiyalarda "dişin dibindən çıxanı üzə demək" istəyinizi yatırdın. Əks halda ciddi problemlər yarana bilər.
Zahiri görkəminiz və səhhətinizlə məşğul olun.

Tərəzi - hadisələrin pressini nəfəs dərməyə, son günlər əldə etdiyiniz nəticələri təhlil etməyə imkan vermir. Yeni situasiyalar yaranaraq sizi təbdən çıxara bilər. Öz təşəbbüsünüzlə yeni işlərə başlamayın. Bununla belə, faydalı informasiyalar aldığınız kanalları açıq saxlayın.

Kiməsə xidmət edərək cavabında minnətldarlıq ala bilərsiniz. Situasiyaya açıq təsir etməyin, çünki bu şəraitdə sizdən başqa kiminsə marağı ola bilər.

Sizə xoş olan işlərə və vəziyyətə diqqət yönəldin.

Əqrəb - bu gün hansısa intriqa və ya sirrin təsiri altındasınız. Situasiyanı aydınlaşdırmaq, təzyiq edən şərtlərdən qurtulmaq və yeni seçim etmək imkanınız var. 

Ağır hisslərdən qurtulmaq üçün baş verənlərə başqa baxış bucağından nəzər salın. Kənar adamların məsləhətlərini dinləməyin.

Çətinliklər, habelə imkanlar və təkliflər sizi əməkdaşlığın yeni yollarını aramağa vadar edəcək. Ümumi işlə məşğul olmaq və ya asudə vaxt keçirmək üçün seçəcəyiniz insanın kimliyindən çox şey asılıdır. 

Bu adam yaxın günlərdəki hadisələrin axarına təsir edə bilər.

Oxatan - Veneranın durumu indi müəyyən emosional problemlərinizi həll etmək, həqiqəti anlatmaq, perspektivləri aşkar müzakirə etməyə imkan verir.

Günün emosional fonu narahat, qeyri-stabildir. 
Bu gün görüləcək və ya görülməsi gərəkən bütün işlərə emosiyalar ciddi təsir edəcək. İşi yarımçıq qoyaraq yeni fəaliyyətə başlamağa çalışmayın. 

Peşəkarlığınıza və bacarığınıza əminsinizsə, çətin işi yarımçıq saxlayın.
Etibarlı tərəfdaşlıq uğurun yarısıdır.

Oğlaq - gün ərzində əhvalınız bir neçə dəfə dəyişəcək. Yaranan şərait və ya planlarınızda fərqləri hiss edəcəksiniz. Bu fərq daha böyük xərc, güc, səy sərfini və diqqət tələb edə bilər.
Çətin durumdasınız.

Səhər saatlarını iş və ailə qayğılarına sərf edin. Ailə üzvləri və ya yaşlı qohumlarınızdan biri haqqında xəbər alacaqsınız. 

Ailədə məsləhətləşmə, birgə qərarlar üçün əlverişli gündür.
Fiziki durumunuzu dəyərləndirin. Məşqlərə başlamaq pis olmaz. Xərclərinizə diqqət edin.

Dolça - məişət xərclərindən qurtulmaq mümkün deyil. Lakin ev üçün bahalı əşyaların alınmasını təxirə salın. 

Həmin əşyanı almaq fikrinə düşsəniz, dəyərdən artıq pul ödəyəcəksiniz. Diqqətinizi bir neçə obyekt cəlb edəcək. Hər yerə çatmaq istədiyinizdən nevroz durum yaranacaq, istirahət edə bilməyəcəksiniz.

Günün ilk yarısında qızğın mübahisə və ya aktiv yazışma ola bilər. Bir çox insanlara lazım olacaqsınız. Lakin məhsuldar çalışmaq və axşam saatlarında normal dincəlmək istəyirsinizsə, bəzi informasiya kanallarını məhdudlaşdırmalı olacaqsınız.

Balıqlar - bu gün tənhalıqda, evdə və ya işdə olsanız belə, fərq etməyəcək, informasiya axınının ardı-arası kəsilməyəcək. 

Yeni iş, layihə barədə düşünmək, köhnə layihə və ya planı təkmilləşdirmək barədə düşünmək üçün əlverişli gündür.
Maliyyə problemlərinin həlli və gəlirlərin artırılması indi əsas məsələdir. 

Düşünülməmiş addımlar atmayın. Sonradan peşman olmamaq üçün emosioyaların köləsinə çevrilməyin.

Alış-verişdə çox pul xərcləməyin. Çünki mal və ya xidmətə onun real dəyərindən artıq pul ödəyə bilərsiniz.