Qoç - irəliyə doğru düşünülmüş ləngərlə hərəkət edin. Çox tələssəniz, maraqlı məqamları görməyə bilərsiniz. Yaxın ətrafınızdakı insanlar sizi tələsdirmək istəyirlər. Amma onlar bir neçə uğursuz cəhddən sonra anlamalıdırlar ki, ritminizə uyğunlaşmaq daha münasıbdir. Belədə, münasibətlərinizdə harmoniya hakim olar.

İşdə rəhbərliklə dil tapmağa çalışın. Tapşırıqları vaxtında və tam yerinə yetirsəniz, nəticə özünü çox gözlətməyəcək.

Uzaq səfərlərə yollanmaq məsləhət deyil. Belə səfərdə çox pis hadisə baş verə bilər.
Gün istənilən ailə işləri üçün uyğundur. Ailə üzvləri və qohumların yanında istirahət etsəniz, pis dincəlməzsiniz.

Buğa - müsbət təmayüllərin təsiri hələ də güclüdür. Lakin maliyyə sahəsində uğurlar yoxdur. Pulla bağlı problemlər yarana bilər. Bahalı və dəyərli əşyanı, yaxud da sənədi itirmək ehtimalı var.

Ağır nəticə verə biləcək səhv etməyin.
Günün ikinci yarısında problemlər xeyli azalacaq.

Səfərlər və qıza gəzintilər uğurlu olacaq. İndiyədək adi, sıradan görünən faktlar tam başqa yöndən nəzərə çarpacaq. Bir çox suallara rutin olmayacaq cavablar tapacaq, ətrafınızdakı insanlara orijinal məsləhətlər verəcəksiniz.

Əkizlər - gün yetərincə sakitdir. Əvvəlcədən hazırlanmış və tərtib edilmiş planları heç nə pozmur. Bu günə təyin edilmiş görüşlər və nəzərdə tutulmuş danışıqlar uğurla keçir. Gərəkli praktik nəticələri əldə edərək razı qala bilərsiniz.

Çətin işləri həll etməkdən çəkinməyin. Bir sıra fərqli amilləri nəzərə alaraq taktika və strategiyanızı yeniləyin.

Günün emosional fonu məhsuldar, əlverişlidir. Ailə üzvləri və yaxınlarınızla münaqişələrin yaranmasına imkan verməyin, yaxşı əhval-ruhiyyənizi qoruyun. 

Küsənlərin barışması, habelə əvvəllər kəsilmiş münasibətlərə yenidən başlanması üçün münasib vaxtdır.

Xərçəng - günü məhsuldar, aktiv keçirin. Nəyisə əvvəlcədən planlaşdırmamış olsanız belə, işlər sanki öz-özünə "peyda" olur. Enerjili, fəal olun. Belədə, ciddi uğurlara bel bağlaya bilərsiniz.
İşgüzar münasibətlərin yaradılması üçün əlverişli gündür. Qətiyyətli və emosional olsanız, irəliləyə bilərsiniz.

Şəxsi həyatda isə işlər o qədər də yaxşı deyil. Son vaxtlar bir neçə ciddi səhvə yol verdiyinizdən indi onların fəsadlı nəticələrinin aradan qaldırılması zamanıdır. Yaxınlarınızla söhbətlərdə səmimi olun.

Söhbətlərdə fəndgirlik və hiyləgərlik etməyin.

Şir - sakit, xoş, istədiyiniz məcrada keçə biləcək bir gündür. İstək və arzularınızı qismən yerinə yetirə bilərsiniz. Enerji toplayın, güc yığın, yaşamınızı nikbin məcraya yönəldin.
Qayğı və problemləri müvəqqəti olaraq unutmaq mümkündür. Bu gün "unutqanlıq" yolverilən davranışdır.

Günün ikinci yarısında işgüzar fəallığınız bir qədər azalacaq, müsbət emosiyalar istəyiniz isə artacaq. 

Axşam saatları üçün əyləncə və kefinizi açacaq məşğuliyyətlər, habelə rəğbət bəslədiyiniz insanlarla görüşləri planlaşdıra bilərsiniz.

Qız - işdə və evdəki problemlərin həlli günüdür. İstirahətlə bağlı məsələləri çözə bilərsiniz. Ən çətin, mürəkkəb situasiyalarda çaşmayın, şəraitə sürətlə uyğunlaşın, xoş əhvalınızı qoruyun.

Qarşınıza böyük məqsədlər qoymayın. Belə hədəflərə çatmağı bir qədər təxirə salmaq olar. Xüsusi diqqət, gərginlik zərurəti, titanik zəhmət, hiylə və çeviklik tələb etməyən işlərlə məşğul olun.

Uşaqlarla ünsiyyət üçün yaxşı gündür. 
Yaşlılarla təmaslar isə çətin olacaq.

Tərəzi - bu gün həyatınızda yaxşılığa doğru dəyişikliklərlə bağlıdır. Həmin yeniliklər böyük olmasa da, gözləniləndir. Atacağınız addımlar rəqiblərinizi və bədxahlarınızı çətin vəziyyətdə qoyaraq sizə ciddi üstünlük verə bilər.

Əlverişli şəraitdən istifadə edərək əməkdaşlıq təklifini qəbul edə bilərsiniz. Sərfəli anlaşma, müqavilə və ya sifarişə nail olmaq ehtimalı az deyil.

Ailədə münasibətlər sadə və harmonik olacaq. Özünüzü yüngül və rahat hiss edəcəksiniz. Həyata baxışlarınızı kimsə şübhə altına almayacaq.

Təklifləriniz dəstəklənəcək.
Axşam saatlarını ailə üzvləri ilə birlikdə keçirməyiniz məsləhətdir.

Əqrəb - günün ilk yarısı xəbərlər, qəfil, gözlənilməz, amma çox mühüm informasiya vaxtıdır. Heç nə diqqətinizdən yayınmasın. Bu gün öyrənə biləcəyiniz hər şey karınıza gələcək. 

Çətin və mürəkkəb, müxtəlif biliklər və bacarıqlar, qeyri-standart yanaşma tələb edən iş üçün əlverişli gündür.

Axşam saatları yaxınlaşdıqca yaşam potensialı aşağı düşəcək. Ona görə də günün ikinci yarısına yorucu və baş ağrıdan əyləncələr planlaşdırmayın.
Axşam bir qədər gəzişin.

Bu gün bir qədər tez yatın, gecədən xeyli keçmişə qədər monitor və ya televizor qarşısında qalmayın.

Oxatan - günün ilk yarısı həyəcanlı və narahat olacaq. Sizə qarşı çox pis münasibət nümayiş etdirən, maneələr və sədlər yaratmaq istəyən adamlarla qarşılaşacaqsınız. Uzun mübahisələrdə onlara haqlı olduğunuzu sübut etmək məcburiyyətində qala bilərsiniz.

Mübahisə, diskussiya çox sərt olacaq. Sizi təxribata çəkmək, səbrinizi yoxlamağa çalışacaqlar.
Qətiyyətli, soyuqqanlı olun.

Günün ikinci yarısı daha sakitdir. Bu vaxtda həllini tələb edən məsələlərlə qarşılaşacaqsınız. Konstruktiv ruhda olun və bütün suallara cavab tapmağa səy göstərin. 

Ailə üzvləri və yaxınlarınızla qarşılıqlı anlaşma yetərli səviyyədə olmayacaq.
Maliyyə məsələləri və pulla bağlı fikir ayrılıqları yarana bilər.

Oğlaq - sakit, pozitiv, istənilən iş üçün yararlı gündür. Ən çətin tapşırıq və işlər belə, sizi qorxutmasın. Bir neçə cəhddən sonra mütləq problemin həllini tapacaqsınız.

Yeni işə başlamaq olar. Əgər düşünülmüş şəkildə, tələsmədən addımlar atsanız, yaxın vaxtlarda nəticəni görə bilərsiniz.

Yaşlı qohumlarla mübahisələr istisna deyil. Ciddi münaqişə də ola bilər. Haqlı olduğunuza əminsiniz və bu əminliyiniz səbəbsiz, əsassız deyil. Fəqət, hər şeyə rəğmən, yumşaq, güzəştə meylli olun. Çünki ailə üzvləriniz və qohumlarınız sözlərinizi sərt, davranışınızı isə aqressiv hesab edirlər.

Dolça - gün sizin nəzərdə tutduğunuz plandan imtina və həmin plana ciddi dəyişikliklərə vadar edəcək xoşagəlməz xəbərlə başlayacaq. 

Ətrafınızdakı insanlarla yaxşı münasibətləri qorumağa çalışırsınız. Amma buna həmişə və hər yerdə nail olmaq mümkün deyil. Kimsə mütləq inciyəcək, ya da sizə zərbə vurmağa çalışacaq. 
Nüfuzlu insanlardan bu gün uzaq durun. Onlarla ünsiyyət yaxşı heç nə vəd etmir.

Səfərlər və gəzinti üçün pis gün deyil. Yeni təəssüratlar sizə xoş əhvalı və nikbinliyi qorumaq üçün gərəkdir. 

Romantik münasibətlərə çox bel bağlamayın.
Dostlarla görüş isə tam əksinə, lap məsləhətdir.

Balıqlar - bu gün həyatınızda ciddi dəyişikliklər baş verə bilər. Ona görə müvafiq məcraya köklənin, müdrik davranın və düşünün. Zamanı boşuna xərcləməyin. İşə dərhal qatılın, mühüm problemi həll edərək çözməyə və bitirməyə çalışın.

Emosiyalarınıza hakim olun.
Səfərə yollanmaq fikrində olanlar üçün sakitlik və soyuqqanlılıq xüsusilə vacibdir.

Alış-verişdə böyük məbləğdə pul xərcləməyə ehtiyac yarana bilər. Maliyyə durumunuz buna imkan verir.
Dəyərli və bahalı əşyalanızı yaxşı qoruyun.