Qoç - Bu günə vacib görüşlər təyin etmək məsləhət deyil. İnsanlarla dil tapmaq çətindir, sizi qiymətləndirmirlər, hətta bəzən etmədikləriniz əməllərə görə qınayırlar. İstənilən tənqidə sərt reaksiya verirsiniz. Gününüz incikliklərlə doludur, qəlb yarası almaq ehtimalı yüksəkdir.
Sağlam düşüncəni qoruyub saxlamağa çalışın. Bir çox Qoçlar həyatlarını, qazandıqları təcrübəni analiz etməyə çalışacaqlar. Qeyd etmək lazımdır ki, bugünkü hadisələrin fonunda fikirləriniz elə də ürəkaçan olmayacaq.

Buğa - Biznes üçün əla gündür. Sahibkar Buğalar bizneslərini genişləndirə və sərfəli sövdələr bağlaya bilərlər. Sıravi işçilər isə əməkhaqqının yüksəlməsinə ümid edə bilərlər. Bəzi Buğalara yeni iş təklif edəcəklər.
Çox cazibədarsınız və bundan maksimum yararlanırsınız. Yeni tanışlıqlar qurmaq olar, bunlar faydalı olacaq. İşgüzar və dost münasibətlər romantik məcraya yönələ bilər. Sevən Buğalar öz yarlarını sevindirmək üçün vasitə tapacaqlar.

Əkizlər - Ciddi mövzularda fikirləşmək, vacib məsələlərin cavablarını axtarmaq, uzunmüddətli planlaşdırma aparmaq olar. Siz imkanlarınızı düzgün hesablayır, yaranan şəraiti düzgün qiymətləndirirsiniz. Ətrafınızdakılar sizi xırdaçılığa görə qınayacaqlar, ancaq yenə də haqlı olduğunuzu etiraf edəcəklər.
Ünsiyyət, yeni tanışlıqlar, köhnə əlaqələrin yenilənməsi üçün münasib gündür. İnsanlar haqda təsəvvürləriniz tamamilə doğrudur, kimsə gözünüzə kül üfürə bilməyəcək.

Xərçəng - Çox hissiyyatlısınız, ətrafınızda baş verənlərə sərt reaksiya verirsiniz. Günün emosional fonu da sabit deyil. Odur ki, narahatlıq və həyəcanlar qaçılmazdır. Yanınızda sizi sakitləşdirən, dəstək verən insanın olmasına ehtiyac var. Amma onun da səbri çatacaqmı? Bilinmir.
Unutmayın ki, bütün problemləri təkbaşına yox, birlikdə həll etmək daha asandır. Kömək istəməkdən çəkinməyin, sizə yardım edəcəklər. Zədə almaq ehtimalınız böyükdür: istənilən elektrik avadanlığı ilə ehtiyatlı davranın.

Şir - Gün gözlədiyinizdən də uğurlu alınacaq. Hər bir işdə bəxtiniz gətirir, sadəcə, yaranan imkanlardan yararlanmaq lazımdır. Sərfəli sövdələşmələr, gəlirlərin artması, yaxşı iş təklifləri mümkündür. İşgüzar təmaslarda diqqətli olun: sizə əməkdaşlıq təklif edənlərin heç də hamısı ürəyitəmiz deyil.
Yeni tanışlıqlar mümkündür, bunlardan bəzilərinin isə çox xoş davamı mümkündür. Teatra, konsertə getmək, dünyagörüşünü genişləndirən müxtəlif məşğuliyyətlər üçün münasib gündür.

Qız - Səbrsiz və əsəbisiniz, sərt iradlar bildirirsiniz. Acıladığınız adamlar arasında rəyinə hörmət etdiyiniz insanlar da var. Xüsusilə də qadınlarla dil tapa bilmirsiniz: onların boş söhbətlərə meyli sizi özünüzdən çıxarır. Üstəlik, qadınlar aktiv surətdə işlərinizə qarışırlar, təbii ki, sizin xasiyyətdə adama bu, xoş gələ bilməz.
Buna baxmayaraq, işgüzar baxımdan günü uğurlu saymaq olar. Hətta ən çətin məsələləri çox asanlıqla və tez həll edirsiniz. Xeyli pul ala bilərsiniz. Çoxdankı əmlak münaqişəsi həllini tapacaq.

Tərəzi - Müsbət tendensiyaların təsiri güclüdür. Sizin üçün vacib olan işlərdə irəliləyiş gözlənilir. Karyera pillələrilə yüksələ bilərsiniz. Düşmənlərinizi susdura biləcəksiniz. Tərəfdaş və həmfikirlərinizin sayı artacaq, ətrafınızdakılar sizin ideyalarınızı dəstəkləyirlər və ardınızca getməyə hazırdırlar.
Təəssüf ki, günün ikinci yarısı xoşagəlməz hadisələr baş verə bilər. Özünüzə inamınızı itirəcək, mövqeyinizin doğruluğuna şübhə edəcəksiniz. Bu gün həddən artıq qısqancsınız.

Əqrəb - Ətrafdakılarla münasibətdə problemlər sizi ciddi narahat edir. Narahatlıq üçün əsas var - sizə ciddi ziyan vurmaq iqtidarında olan insanlarla dalaşmağa hazırsınız. Üstəlik, sizə xas olan «qırmızılıq» bu gün heç yerinə düşmür. Nə fikirləşirsinizsə, onu da deyirsiniz, bəzən heç bunun nə ilə nəticələnəcəyini düşünmürsünüz də.
Ancaq günü tamamilə uğursuz adlandırmaq olmaz. Müstəqil iş, tədqiqat aparmaq, müəllimlik fəaliyyəti üçün münasib gündür. Yaxınlarınızla mübahisədən qaçmaq üçün maksimum nəzakətli olmağa çalışın.

Oxatan - Heç nə alınmır, hadisələrin xoşagəlməz gedişi sizi planlarınızın reallaşdırılmasını təxirə salmağa vadar edir. Üstəlik, ətrafdakılarla da dil tapmırsınız, bəzən özünüzü tənha hiss edir, dostlarınızın sizi unutmasından qorxursunuz. Mənəvi əzginlik uğurlu işə rəvac vermir.
Sövdələşmələr bağlamaq, iri alış-veriş etmək məsləhət deyil. Pullarla risk etməyin - nə özünüzün, nə başqalarının pullarına toxunmayın. Sevdiyiniz şəxslə aranızda münaqişə yarana bilər; yaxınlarınızla müharibə istəmirsinizsə, iradlardan, yersiz tənqiddən çəkinin.

Oğlaq - Məhsuldar işləmək olar, bunun üçünsə heç olmasa, gördüyünüz işə diqqət verməyiniz gərəkdir. Sizin fikrinizsə Bağdadda xurma dərir. Bəzən güclənən emosiyalarınız da işgüzar qabiliyyətinizi hərdən sıfıra endirir. Təmaslarda diqqətli olun. İntuisiyanıza güvənin: kimə etibar etmək lazım olduğunu o sizə deyəcək.
Günün ikinci yarısı enerjiniz azalacaq, səhhətiniz korlana bilər. Başağrısı, yuxusuzluq mümkündür.

Dolça - Ünsiyyət, qeyri-formal təmaslar, yeni tanışlıqlar üçün münasib gündür. Əgər kimdəsə özünüz barədə xoş təəssürat yaratmaq niyyətiniz varsa, bu gün həmin arzunuz gerçəkləşə bilər. Ətrafdakıların sizdən nə gözlədiklərini tez anlayır və bütün arzularını gerçəkləşdirəcəyinizə onları asanlıqla inandırırsınız.
Ancaq axşam əhvalınız korlana bilər. Yeni layihələrin uğursuz olacağına dair şübhələr yaranır. Bəziləri xırda şeylərdən panikaya düşürlər. Yaxınlarınız sizi anlayaraq dəstək olmağa çalışacaqlar.

Balıqlar - Müəyyən müddət tək qalmağa çalışın. İnsanlar, xüsusilə də yaxşı tanımadığınız adamlar arasında özünüzü inamsız hiss edirsiniz: işgüzar danışıqlarda çətinliklər yarana bilər. Öz rəyinizi bildirməməyə çalışır, bununla mübahisələrdən qaçacağınızı zənn edirsiniz, amma yenə də mürəkkəb situasiyalara düşürsünüz.
Bu günün qəsdi sizi sınamaq deyil. Mütləq yaranan şəraitdən düzgün çıxış yolu tapa biləcəksiniz, bunun üçün sadəcə, emosiyalarınıza nəzarət etməyiniz gərəkdir.