Qoç - Günün ilk yarısı çox pis keçir. Mənfi emosiyalarınız aşıb-daşır, yaxşı əhval-ruhiyyədən danışmağa dəyməz, adəti ruh yüksəkliyiniz də itib. Yaxınlarınızla aranızda ciddi fikir ayrılıqları yarana bilər, sizə elə gəlir ki, kimsə sizi anlamır, sevmir.
Axşam emosional gərginlik aradan qalxacaq, cari məsələlərin həlli asanlaşacaq. Pul və ya qiymətli hədiyyələr ala bilərsiniz. Sevdiyiniz adamın xoş sürprizlər etməsi mümkündür. Həyati potensialınız yüksəkdir.

Buğa - Sadə gün deyil. Ehtiyatlı olmaq, səhv buraxmamağa çalışmaq lazımdır. Unutmayın ki, düşünülməmiş hərəkətləriniz sizə baha başa gələcək. Səhhətinizdə problem yarana bilər. Həyati potensialınızın azalması həm səhhətinizə, həm də əhvalınıza təsir edəcək: qara fikirlərin məngənəsində sıxılır, ruh düşkünlüyünə qapılırsınız.
Mehriban insanlarla ünsiyyət kefinizi açar, onların dəstəyi isə sizi gərəksiz narahatlıq və əzablardan qurtarar. Odur ki, ətrafda belə birini axtarın, ya da özünüzə yeni tanış tapmağa çalışın.

Əkizlər - Gün pis keçməsə də, çox işləməli olacaqsınız. Asan qələbələrə, uğurlu təsadüflərə ümid etməyin. Yalnız inadlı iş sayəsində hansısa nəticə əldə edə bilərsiniz. Xoşbəxtlikdən, həmfikirlərinizə güvənə bilərsiniz: onlar daim yanınızdadırlar, tələblərinizi həvəslə yerinə yetirir, maraqlı ideyalarıyla paylaşırlar.
Buna baxmayaraq, gün yorucudur. Axşama doğru emosional dəstəyə, eləcə də istirahətə ehtiyacınız olduğunu hiss edəcəksiniz. Axşamı yaxın adamınızla birlikdə keçirin, bu, gücünüzü bərpa etməyə kömək edər.

Xərçəng - Əvvəlcədən qurduğunuz qrafikə riayət etməyə çalışın. İmkan dairəsində ümumi qəbul olunmuş qaydalardan və öz prinsiplərinizdən kənara çıxmayın. Özünənəzarət uğurun əsas təminatçısıdır.
Sizi sevirlər, özü də çox. Bu gün buna növbəti dəfə əmin olacaqsınız. Gün romantik görüşlər və hisslərin etirafı üçün əladır. Həyati potensialınız yüksəkdir, səhhətinizdən şikayətiniz olmayacaq.

Şir - Günün hadisələri maraqlı deyil, xəbərlər də vacibliyilə seçilmir. Əhəmiyyətsiz, darıxdırıcı işlərlə məşğulsunuz, onu da candərdi edirsiniz, həvəssiz və məcburən. Ailəli Şirlərə böyük hövsələ gərəkdir, yalnız onun sayəsində günü davasız keçirə bilərsiniz.
Əhvalınızı necə qaldırmaq barədə düşünün - özünüzdən başqa, bu kimsəyə maraqlı deyil. Bu günə dostlarınızla şam yeməyi təşkil edin, yaxud sizi diqqətlə dinləyib, xoş sözlə könlünüzü almağı bacaran insanla görüşməyə çalışın.

Qız - Planlaşdırdıqlarınızın çoxu alınmır, amma siz ruhdan düşmürsünüz, düz də edirsiniz! Qətiyyətli olsanız, situasiyanı yaxşı istiqamətə yönləndirə bilərsiniz. Ancaq tək işləməyin, sizi dəstəkləməyə hazır olan adamlar axtarın. Bunlar daha çox gənclər ola bilər: onların həyat eşqi və optimizmi əla karınıza gələcək.
Sizə yeni məlumat lazımdır. Çox oxuyun, dünyagörüşünü artıran verilişlərə baxın, aldığınız məlumatları analiz edin. Aydınlaşdıra bildiklərinizdən istifadə etməyə çalışın. Elmi işlərin yazılması, tədqiqat işləri üçün münasib gündür.

Tərəzi - Gələcək barədə fikirləşməlisiniz, o, əsasən sizin bugünkü hərəkətlərinizdən asılıdır. Çətin situasiyalar yaranacaq, ancaq hər birində düzgün qərar verə bilərsiniz. Sadəcə, emosiyaları bir kənara qoyaraq baş verənlərə kənardan baxmağa çalışmaq lazımdır.
Yaxınlarınızla söhbətlər üçün münasib gündür - sizi narahat edən problemləriniz barədə danışıb yaxşı məsləhətlər ala bilərsiniz. Gülməli və ya axmaq görünəcəyinizdən çəkinməyin. Öz hissləriniz barədə açıq danışın: sizi düzgün anlayacaqlar.

Əqrəb - Mürəkkəb qərar verməli, xoşa gəlməyən bir işi araşdırmalısınız. Amma ümumilikdə elə də pis gün deyil. Gümrah, enerjilisiniz. Xoşagəlməz tendensiyaların təsirindən qurtulmaq üçün bu, kifayət edir.
Çoxdankı tanışınızla görüşmək, ötənlərin hadisələrini müzakirə etmək üçün münasib gündür. İş onda deyil ki, o xatirələr sizə xoş gəlir, sadəcə, keçmiş hadisələrdən düzgün nəticələr çıxarırsınız. Bir çox Əqrəblər sonrakı həyatlarında böyük rol oynayacaq vacib qərarlar verəcəklər.

Oxatan - Böyük və vacib işlər üçün münasib gündür. Qətiyyətli olsanız, işləri yaxşıca götür-qoy etsəniz, başqalarının yerinə yetirmədiklərini asanlıqla başa çatdıra bilərsiniz.
Günün əvvəli ailədə fikir ayrılıqlarına son qoymaq üçün münasibdir. Qohumlarınızla münasibətləriniz getdikcə yaxşılaşır. Səfərlər yaxşı keçir, uşaqlarla ünsiyyət faydalıdır. Uzaqdan gözlənilməz xəbərlər ala bilərsiniz: bunların bəziləri sevindirəcək, bəziləri isə planlarınızda dəyişikliklər etməyə vadar edəcək. Qəflətən qonaqlarınız gələ bilər. Planlaşdırılmamış əyləncələr də mümkündür.

Oğlaq - Mürəkkəb, ancaq çox maraqlı bir məsələni həll etməlisiniz. Əvvəlcə, haradan başlayacağınızı bilmədiyinizdən, xeyli həyəcan keçirəcəksiniz, sonra nəyin nə olduğunu anlayan kimi fəaliyyətə keçəcək, məqsədinizə çatacaqsınız. Gözlənilmədən xeyirxah köməkçiləriniz peyda olacaq, səmimi qəlbdən sizə yarınmağa çalışacaqlar, amma üstlərindən nəzarəti kəm etməyin.
Yaşlı nəslin nümayəndələri ilə aranızda münaqişə yarana bilər. Sizin bir çox hərəkətləriniz, ümumiyyətlə, həyat tərziniz onların xoşuna gəlmir. Verdiyiniz bütün vədləri yerinə yetirməyə çalışın - etibarlı adam imici karınıza gələcək.

Dolça - Vacib hesab etdiyiniz məqsədə çatmaq üçün çox güc sərf edirsiniz. Tez, ya gec istədiyinizi alacaqsınız, amma bu sizə baha başa gələcək. Ciddi qurbanlar verməmək üçün vaxtında düşünmək lazımdır: o can atdığınız sizə bu qədərmi vacibdir?
Bir çox Dolçalar üçün bu gün köhnə planlardan imtina və yeni daha maraqlı planların qurulması ilə əlamətdardır. Bu gün hansısa əməkdaşlığa, eləcə də istənilən formada münasibətlərə başlamaq məsləhət deyil. Yeni tanışlarla da ehtiyatlı olun.

Balıqlar - Çox ehtiyatla, xırda addımlarla irəliyə doğru addımlayın. Xırdalıqlara, gözə dəyməyən amillərə diqqət yetirin: bunlardan biri həyatınızda mühüm rol oynayacaq. Elə bu səbəbdən də vaxtilə "boz", maraqsız, xeyirsiz hesab etdiyiniz insanlara da diqqətlə yanaşın.
Uğur və rifahı sizdə paxıllıq doğuran insanlarla təmaslardan çəkinin: belə hisslər sizi daxildən "dağıda" bilər. Başqalarının qələbələrindən ilham almağa çalışın, o zaman özünüz də tezliklə nailiyyətlər qazana bilərsiniz.