Qoç - Gün heç xoşunuza gəlmir, axı o istədiyiniz kimi alınmır. Aydındır ki, planları dəyişmək lazımdır, ancaq yeni ideyalar yoxdur. Hiss edirsiniz ki, çıxılmaz dalandasınız. Həmfikirlərinizlə aranızda gərginlik yaranır. İş açıq münaqişə həddinə çatmasa da, narahatlıq hiss edəcəksiniz.
İmkanınız çatdığından daha çox xərcləyirsiniz. Tezliklə tamamilə pulsuz qala bilərsiniz. Sənədlərin hazırlanması, dövlət idarələrinə getmək məsləhət deyil. Hansısa bahalı əşyanın itirilməsi mümkündür.

Buğa - Məişət məsələlərinin həlli çox vaxt aparacaq: ev problemləri düşündüyünüzdən daha ciddidir. Çətinliklərin öhdəsindən gəlməkdə ənənəvi metodlar bu gün səmərəsiz ola bilər. Orijinal metodlar daha effektivdir. Çətin situasiyada qadınların məsləhətlərini dinləyin. Yaşlı qohumlarınızdan kömək (o cümlədən maddi yardım) ala bilərsiniz.
Həddən artıq emosionalsınız, bu səbəbdən tez-tez problemlər yaranır. Tələsik qərarlarınız səhvdir, tezliklə bunlara görə peşmanlıq çəkəcəksiniz. Sevdiyiniz adama etibar edin - sizin hədsiz şübhələriniz münaqişə yarada bilər.

Əkizlər - Tələsməyin. Məhz tələskənlik bu birmənalı olmayan gündə xeyli problem yaradır. Əgər ehtiyatlı və diqqətcil olsanız, düşmənlərinizin və taleyin qurduğu tələlərə düşməzsiniz. Yaşlı qohumlarınızla ünsiyyətdə nəzakətli olmağa çalışın - onların xətirlərinə dəymək bu gün çox asandır.
Düzgün yanaşma bütün çətinlikləri asanlıqla aradan qaldırmağa kömək edir. bir çox Əkizlər əvvəllər öhdəsindən gələ bilmədikləri işləri bir göz qırpımında həll edirlər. Başqalarının məsuliyyətini boynunuza götürə bilərsiniz.

Xərçəng - Yaxşı gündür, istənilən xarakterli ünsiyyət üçün əladır. Dostlarla bir araya gəlmək, romantik görüşlər təşkil etmək, həmçinin həmkarlarla qeyri-formal şəraitdə iş məsələlərini müzakirə etmək olar. İstənilən halda vaxtınızı yaxşı keçirəcəksiniz. İntellektual potensialınız yüksəkdir. Heç yaradıcı potensialınız da geri qalmır. Odur ki, istəsəniz, möhtəşəm işlərə baş qoşa bilərsiniz.
Pul, eyni zamanda qiymətli hədiyyə ala bilərsiniz. Bir çox Xərçənglər müəyyən ziyafətlərə dəvət alır və orada hamının gözünü qamaşdırırlar.

Şir - Uğurlu gündür, qarşınızda xeyli maraqlı imkanlar açılır. Bunlardan hansından istifadə etmək isə sizin seçiminizdir. Şirləri əsasən novator, maraqlı ideyalar cəlb edir. Gözlənilməz təklifləri qəbul edir, canla-başla eksperimentlər aparırsınız. Yeni tanışlıqlar mümkündür, bu gün başlanan romantik münasibətlər çox tezliklə ciddi xarakter alır.
Ev işlərinin öhdəsindən asanlıqla gəlir, müxtəlif təşkilati məsələləri yoluna qoyursunuz. Səfərlərə gedə, yaxud səyahətlərə hazırlana bilərsiniz.

Qız - Emosiyalarınıza nəzarət edin - sizdən əsas tələb olunan budur. Problemlər, çətinliklər və digər xoşagəlməzliklər məhz təzadlı hisslərinizə meydan verdiyiniz zaman ortaya çıxır. Zədə almaq ehtimalınız böyükdür, xüsusilə yolda, səfərlərdə, texnika və ya iti əşyalarla işləyərkən ehtiyatlı olun.
Köhnə tanışınızın təklif etdiyi yardımı qəbul etsəniz, böyük nailiyyətlər əldə edə bilərsiniz. Nüfuzlu hami və əliaçıq pərəstişkar tapmaq imkanınız var. Nəinki ideyalarınızı bəyənən, həmçinin sizə onları reallaşdırmağa kömək etməyə hazır olan insanlar da sizə doğru can atırlar.

Tərəzi - Çətin ki, bu gün bir an da olsun, yalnız qala biləsiniz. Əvvəlcə ünsiyyət sizi sevindirəcək, ancaq axşama doğru yorulduğunuzu hiss edəcəksiniz. Başqalarının problemlərini canla-başla həll edir, çətin situasiyaya düşənlərə yardım əli uzadırsınız. Düzdür, çox vaxt başqalarının xatirinə öz prioritet və maraqlarınızdan keçməli olursunuz.
Gün aktiv istirahət, səfərlər, səyahət üçün münasibdir. Şərait dəyişkənliyi xeyrinizədir, həm əhvalınızı qaldırır, həm də səhhətinizə müsbət təsir edir.

Əqrəb - Ciddi bir qərar verməyə, iş görməyə tələsməyin. Bu günü cari, xırda-para işlərə həsr edin. Boş danışıqlar çox vaxt aparır, ancaq xoşunuza gəlir. Göz qabağında olmaqdan həzz alırsınız, asanlıqla başqalarının rəğbətini qazanır, özünüzə pərəstişkar və tərəfdaş tapırsınız. Bayram və ziyafətlərin təşkilatı ilə məşğul ola bilərsiniz. Daşınmaz əmlakla bağlı məsələləri həll etmək olar.
Bu gün başlanan romantik münasibətlər sürətlə inkişaf edəcək, xeyli sevinc bəxş edəcək. Ancaq güman ki, çox uzun sürməyəcək (aralarında yaş fərqi böyük olanlar istisnadır).

Oxatan - Uğurlu gündür. Bir çox Oxatanların ağlına maraqlı ideyalar gəlir. Bunlar həm cari işlərə, həm də ümumiyyətlə həyatınıza aiddir. Sövdələşmələr bağlaya, iri alış-veriş edə bilərsiniz. Asanlıqla tanışlar tapır və təmaslarda ehtiyatlılıq göstərirsiniz.
Gün dövlət idarələrinin işçilərilə ünsiyyət, əmlak, maliyyə və hüquqi məsələlərin həlli üçün münasib gündür. Sizi nə qədər çox adam əhatə edirsə, özünüzü bir o qədər rahat və inamlı hiss edirsiniz.

Oğlaq - Elə də pis gün deyil, amma siz tez yorulursunuz, işlərinizsə çoxdur. Ola bilsin ki, bütün planlarınızı həyata keçirə bilməyəcəksiniz, odur ki, doğrudan da vacib olan işdən başlayın. Bu gün yalnız özünüzə arxayın ola bilərsiniz, gözlədiyiniz kömək xeyli gecikəcək.
Kommersiya fəaliyyəti ilə məşğul olmaq, iri alış-veriş etmək məsləhət deyil. Əvəzində gün istirahət və müxtəlif əyləncələr üçün uğurlu gündür. Qısa səfərlərə, ekskursiyalara gedə bilərsiniz.

Dolça - Mürəkkəb, gərgin, yorucu gündür. Tez-tez boş şeylərə görə əsəbləşir, başqalarının əhəmiyyət vermədiklərini ürəyinizə salırsınız. Yaxınlarınız tez-tez sizə xoşagəlməz hadisələri xatırladır və qəlbinizi incidirlər. Bəzi məişət problemlərinin həlli üçün qohumlarınıza ağız açmalı olacaqsınız.
Əgər bu gün hansısa vacib qərarı verməli olsanız, ciddi maneələrlə qarşılaşacaqsınız. Öz gücünüzü düzgün hesablamağınız vacibdir. Əgər gücünüz yoxdursa, ümumiyyətlə heç nə etməyin.

Balıqlar - Yaxınlarınızın köməyinə ümid edə bilərsiniz. Çətinliyiniz yaranan zaman onlara müraciət etməkdən çəkinməyin. İstənilən məsələnin ən yaxşı həlli - qüvvələrin birləşdirilməsidir. Problemlərlə təkbaşına savaş cəhdi isə çətin ki, uğurla bitə. Sövdələşmələr bağlamaq, iri alış-veriş etmək məsləhət deyil.
Maliyyə məsələlərində ehtiyat, sənədlərin hazırlanmasında səliqə bu gün xüsusilə vacibdir. Diqqətsizlik gələcəkdə ciddi problemlərə səbəb ola bilər. İstənilən, hətta ən xırda, qanun pozuntusu bu gün xüsusilə yolverilməzdir.