Qoç - Yaxşı gün deyil. Emosiya və ötəri həvəslərinizə böyük önəm verir, sağlam düşüncənin dediklərini isə saya salmırsınız. Gərəksiz xərclərlə itkilər mümkündür. Peşəkar karyeranızın birbaşa asılı olduğu insanla aranızda münaqişə mümkündür.
Tənqidə sərt reaksiya verir, yaxınlarınızın istənilən məsləhət və təklifinə qarşı çıxırsınız. Ətrafınızdakıların aramsız olaraq xətrinə dəyməyinizə baxmayaraq, təklikdə qalmaq da istəmirsiniz. Sizə hakim olan təzadlı istəklər onsuz da çətin olan günü daha da qəlizləşdirir.
Buğa - Qüvvələrin qeyri-bərabər olduğu mübarizədə nəyin bahasına olursa-olsun, müəyyən nəticə qazanmaq üçün xeyli güc sərf etməlisiniz. Düşmənlərə müqavimət göstərmək, öz maraqlarınızı qorumaq üçün sərtlik və hətta qəddarlıq tələb olunur. Digər tərəfdən, həmkarlarınız, tərəfdarlarınız, dostlarınızla ünsiyyət diplomatiya tələb edir. Odur ki, gün heç bir Buğaya asan gəlməyəcək.
İtkilər, məişət texnikasının və ya nəqliyyat vasitələrinin sıradan çıxması mümkündür. Əmlak və maliyyə ilə bağlı məsələləri həll etmək məsləhət deyil. Dövlət orqanlarının nümayəndələri ilə xoş olmayan təmaslar mümkündür.
Əkizlər - Ağlınızı başınıza toplayıb, məntiqə əsaslanmayınca bütün işləriniz korlanacaq. Emosiyalara nə qədər çox qapılsanız, hadisələrin axarı bir o qədər sizi məyus edəcək. İş görüşləri pis keçir, danışıqlarda öz mövqeyinizi, maraqlarınızı qoruya bilmirsiniz. Bir çox Əkizlər sonra peşman olacaqları güzəştlərə getməli olacaqlar.
Köçmək, inşaata başlamaq, daşınmaz əmlakın alınması, yaxud icarəsiylə bağlı sövdələr bağlamaq olar. Yeni həyata başlamaq istəyən Əkizlər bu gün arzularına çatacaqlar.
Xərçəng - Nahamar, birmənalı olmayan və ümidlərin tükənmədiyi gündür. Çoxlu fikirləşmək lazımdır - yalnız bu cür bütün çətinliklərin öhdəsindən gələ bilərsiniz. Xeyli ideyanız olsa da, bunların heç də hamısı yaxşı deyil. Odur ki, ağlınıza gələnləri dərhal həyata keçirməyə çalışmayın. Maliyyə məsələlərini həll etmək məsləhət deyil - ehtiyatsızlığınız ciddi itkilərə səbəb ola bilər.
Günün ikinci yarısı yeni tərəfdaşlar tapa biləcəksiniz, onlarla əməkdaşlıq qarşınızda yeni üfüqlər açacaq. Bu vaxt romantik macəralar da mümkündür, bunlardan biri həyatınızı tamamilə dəyişə bilər.
Şir - Mənəvi sakitliyi saxlamaq yalnız təbii nikbinliyiniz sayəsində mümkün olacaq. Siz istənilən maneəni aşmağa hazır olduğunuza əminsiniz, ətrafınızdakılar isə buna şübhə edirlər və bu səbəbdən xoşagəlməz situasiyalar yaranır.
İnsanlarla dil tapmaq asandır, kütlə qarşısında çıxışlarınız əla keçir. Ziyafətlərdə iştirak könlünüzü açacaq. Yeni həvəs və simpatiyalar anidən yaranır, amma hamısı dayazdır, çətin ki, onların sizin həyatınızda ciddi yeri olsun.
Qız - Gərgin, yorucu gündür. Monoton, cansıxıcı işlərlə məşğul olmağa məcbursunuz, üstəlik, şərait belədir ki, başqalarının səhvlərini öz üzərinizə götürməli olursunuz. Rəhbərlik sizdən, sizsə rəhbərlikdən narazısınız, iş yerini dəyişmək üçün əsaslı səbəb yaranır. Ətrafınızda mühafizəkarların sayı kifayət qədərdir və onlar sizin novatorçu ideyalarınızı qiymətləndirmək iqtidarında deyillər: bu sizi əməllicə qıcıqlandırır.
Emosional dəstəyə ehtiyacınız var, onu isə yaxınlarınızdan ala bilərsiniz. Ancaq bunun üçün onlara sizi narahat edən hər şeyi, problemlərinizi, heç bir şeyi gizlətmədən danışmalısınız.
Tərəzi - Xeyli xoşagəlməyən emosiyalar yaşayacaqsınız, üstəlik, onların əsl səbəbi özünüzə də bəlli olmayacaq. Qıcığınıza səbəb hər şeydir - axmaq təsadüf, kiminsə gecikməsi, əhəmiyyətsiz məişət problemi. İşdə vəzifələrinizi yerinə yetirməyiniz çətinləşir, bir çox Tərəzilər həmkarlarından qat-qat pis işləyirlər.
Günün ikinci yarısı yığılıb qalmış problemləri həll etmək, həyatınızda səliqə-sahman yaratmaq istəyəcəksiniz. Burada əsas olanı tələsməməkdir. Əgər yaranan şəraiti sakitcə götür-qoy etsəniz, düzgün nəticələrə gələ bilərsiniz.
Əqrəb - Çox tələsirsiniz. Ola bilsin ki, bu gününüzün əsas problemi də elə budur. Bir az tempi azaldın, düşünün, yaranan şəraiti düzgün qiymətləndirin. Gözəl əşyalara həvəsiniz artır, gözə xoş gələn hər şeyə pul xərcləməyə meyllisiniz. Nəticədə pul kisəniz sürətlə boşalır.
Müxtəlif macəralara - həm maliyyə, həm də romantik xarakterli - meyliniz çoxalır. Öz əməllərinizin nəticəsini düşünmədən, yalnız öz istədiyinizi edirsiniz.
Oxatan - Xoşagəlməz tendensiyaların təsir gücü çoxdur. Qüvvənizin böyük hissəsini onlarla mübarizəyə həsr edirsiniz. Çətinliklər həm evdə, həm işdə mümkündür. Bir çox Əqrəblər öz potensiallarını ortaya qoya bilmirlər. Ünvanınıza xoşagəlməz iradlar səslənir, sizə elə gələcək ki, bütün dünya sizə qarşıdır.
Sənədlərlə iş, elmi və tədqiqat işləri ilə məşğul olmaq üçün münasib gün deyil. Dost məclisi əhvalınızı qaldıracaq və xoş təəssüratlar yaradacaq. Romantik görüş isə kefinizi korlaya bilər.
Oğlaq - Sizi asan olmayan bir gün gözləyir. İstədiyinizi tezliklə əldə etmək həvəsiylə bir-birinin ardınca səhvlər edirsiniz. Bundan başqa, Oğlaqlar tərəfdaşlarını düzgün seçmirlər. Kimə gəldi, inanırsınız, əslində isə daha diqqətli olmalısınız. Maliyyə itkiləri mümkündür.
Yaradıcı potensialınız yüksəkdir. Onun sayəsində çətinlikləri aşmağın orijinal metodlarını fikirləşib tapır, vaxtınızı yaxşı keçirirsiniz. Gözlənilmədən sevgi etirafı eşidə bilərsiniz.
Dolça - Başqalarından düzgün istifadə edərək çox şeyə nail ola bilərsiniz. Hiyləgər, müşahidəçilsiniz, ətrafınızdakıların sizin idarəniz altında hərəkət etdikləri heç ağıllarına da gəlməyəcək. Yəni dovşanı araba ilə tutursunuz. Şəxsi cazibənizdən istifadə edərək sizə peşəkar problemlərinizin həllində dəstək ola biləcək insanların rəğbətini qazanırsınız.
Əyləncəli tədbirlərin təşkili, şən səfərlər və ekskursiyalar üçün əla gündür. Tək qalmamağa çalışın: darıxmaqdan birtəhər olarsınız.
Balıqlar - Nə qədər dəridən-qabıqdan çıxsanız da, problemlərin hamısını həll edə bilməzsiniz. Çox əsəbisiniz. Nəinki ətrafınızdakılar, heç özünüz də özünüzün xoşunuza gəlmirsiniz. İstənilən xoşagəlməz hadisəyə, xırda anlaşılmazlıqlara, uğursuz təsadüflərə sərt reaksiya verir, xoş məqamları, sevincli dəqiqələri isə nəzərdən qaçırırsınız.
Yeni tanışlıqlar üçün yaxşı gündür. Bu gün başlanan münasibətlər sizin üçün qeyri-adi məcrada davam edəcək.
Hörmətli ziyarətçi, Siz qeydiyyatdan keçməmiş istifadəçi kimi sayta daxil olmusunuz.
və ya öz adınz ilə sayta daxil olmağı məsləhət görürük.