Qoç - Günün əksər hissəsi başınız məişət işlərinə, ailə qayğılarına qarışacaq. Bütün işlərə vicdanla yanaşırsınız. Odur ki, istənilən problemin həlli adətən olduğundan daha çox vaxt alır. Müştərək fəaliyyət məsləhət deyil - tez-tez özünüzdən çıxır, insanlara əsəbləşirsiniz.
Bu gün zədə almaq ehtimalınız böyükdür. Yorucu fiziki işdən, ekstremal idman növlərindən, uzaq səfərlərdən çəkinmək gərəkdir. Günün ikinci yarısı sevdiyiniz insanla açıq danışmağa çalışın - müzakirə etməli çox mövzu var.

Buğa - Qohumlarla ünsiyyət, ailə bağlarının möhkəmləndirilməsi üçün münasib gündür. Qadınlarla, xüsusən yaşlı xalalarla söhbət sizə xoş təsir bağışlayacaq. Onların həyat təcrübəsi, müdrikliyi son günlərin hadisələrinə başqa nöqteyi-nəzərdən yanaşmağa imkan verəcək.
Günün ikinci yarısı xoş sürprizlər mümkündür. Dostlarınızın kefinə sizə baş çəkmək düşəcək. Sevgi etirafları eşidə bilərsiniz. Yaxınlarınızla münasibətləri yalnız sizin zarafatlarınız poza bilər: yumor hissiniz bu gün bir az kobuddur.

Əkizlər - Ətrafınızdakılara qarşı çox tələbkar olmayın. Dilinizi saxlamaq, birmənalı olmayan situasiyanı zarafata çevirmək elə də çətin deyil, üstəlik, faydalıdır. Bundan başqa, başınızı qatacaq maraqlı bir iş tapın, tənbəllik, bekarçılıq sizi bədbinliyə sürüyəcək.
Ailə üzvlərinizin sizin dəstəyinizə və yardımınza ehtiyacı var, amma onlara qayğı göstərərkən nəzakət qaydalarını aşmayın, çox da canfəşanlıq etməyin. Xüsusilə yeniyetmələrlə ünsiyyət zamanı bunu unutmayın, onlar çox hissiyyatlı olurlar. Gərəksiz xərclər mümkündür, dəyərli bir əşyanızı itirə bilərsiniz.

Xərçəng - Ünsiyyət və ilk növbədə vacib məsələlərin müzakirəsi üçün yaxşı gündür. Söhbətin bir qədər yüngül tonda keçməsi sizi narahat etməsin: əslində, hər şey göründüyündən daha ciddidir. Maliyyə məsələlərini həll edə, bahalı əşyalar ala bilərsiniz.
İntellektual aktivliyin yüksək hədd olduğu gündür, odur ki, qəflətən ağlınıza möhtəşəm ideyaların gəlməsinə təəccüblənməyin. Uzunmüddətli planlaşdırma üçün münasib gündür.

Şir - Aktiv fəaliyyət, məqsədə doğru irəliləmək üçün uyğun gündür. Yaxşı formadasınız, hətta artan gərginlik də sizi yormayacaq. İdmanla, fiziki işlə məşğul olmaq, uzaq səfərlərə getmək olar. şəxsi münasibətlərdə təşəbbüskar olun. Hisslərinizi etiraf edə bilərsiniz.
Unutmayın, dünyanı əla da olmasa, bir az daha yaxşı edə bilərsiniz. Gün evinizi abadlaşdırmaq, imicinizi dəyişmək üçün münasibdir.

Qız - Gözəl gün adlandırmaq çətindir. Ancaq siz çətinliklərə sinə gərir və bu işdə uğur qazanırsınız. Qıcığın sizi üstələməsinə imkan vermir, soyuqqanlılığı, dürüstlüyünüzü saxlamağa çalışırsınız. Çətin situasiyada özünüzü çox ləyaqətli aparırsınız, bununla ətrafınızdakıların təqdirini qazanırsınız.
Mənasız söhbətlərin bu gün sayı-hesabı yoxdur və təbii ki, bu sizi çox yorur. Sizə deyilənləri diqqətlə dinləyin: boş və axmaq sözlərin arasında çox maraqlı və faydalı məlumat gizlənir.

Tərəzi - Ünsiyyət, çoxsaylı təmaslarla dolu gündür. Uzaq qaçdığınız insanlar daim sizə doğru can atır, sizdən diqqət gözləyirlər. Əvvəlcədən verdiyiniz qərarların üstündə durun: onlar doğru idilər və bu keyfiyyətlərini hələ də saxlayırlar. Keçmiş barədə peşmanlıq yalnız əhvalınızı korlayır və irəli getməyinizə mane olur - bunu özlüyünüzdə tez-tez təkrar edin.
Çox pul xərcləyirsiniz. Sizə tamamilə gərək olmayan əşyalar alırsınız. Borc pul verməyin, kreditə heç nə götürməyin. Uzaqdan aldığınız məlumat sizi çaşdıracaq, yalnız şəxsən yoxladıqdan sonra məsələ aydınlaşacaq.

Əqrəb - Aktiv və enerjilisiniz, heç bir mənfi tendensiya sizə mane ola bilməz. Qarşınıza çıxan istənilən maneəni böyük güc sərf etmədən adlayırsınız. Sizin düşmənlərinizə adamın yazığı gəlir - onların sizdən çəkəcəkləri var.
Sizin peyda olduğunuz hər yerdə əsəbi, amma yaradıcı ab-hava yaranır. Musiqi və ya teatr qrupu yarada bilərsiniz. Belə işlərə həvəsi olmayan Əqrəblər isə dostları ilə əla vaxt keçirəcəklər.

Oxatan - Uzaq səfərlərə çıxmaq, şəraiti dəyişmək üçün yaxşı gündür. Yeni təəssüratlarınız xoş olacaq. Vacib məlumatı almaq, yaymaq, eyni zamanda ondan istifadə etmək olar. Hesabatlar, sənədlərin hazırlanması, uzunmüddətli planlaşdırma, hüquqi məsələlərin həlli asan olacaq.
Ətrafınızdakılarla asan dil tapırsınız. Bu gün yeni dostlar qazana bilərsiniz. Romantik meyllər də istisna deyil. Bunlardan biri isə həyatınızı kökündən dəyişə bilər. Xeyli pul ala bilərsiniz. Ev heyvanı almaq üçün münasib gündür.

Oğlaq - Əvvəlcədən qurduğunuz planların reallaşdırılması, çoxdankı ideyaların həyata keçirilməsi üçün münasib gündür. Yaranan situasiyadan öz xeyrinizə istifadə etmək üçün improvizələr isə tam bir fəlakət olacaq - həm gücünüzü itirəcək, həm də heç bir nəticə qazanmayacaqsınız.
Ünsiyyət arzusundasınız. Yeni tanışlıqlar yaratmağa meyliniz çoxdur. Amma bunların nəyə gərək olduğu barədə özünüzə hesabat vermirsiniz. İçindən yaxşı bir şey çıxmır. Əgər kiminləsə danışmaq istəyirsinizsə, elə bir adam tapın ki, nəinki sizə qulaq asmağı, eyni zamanda anlamağı bacarsın. Əks halda bu cür söhbətin sonu çox pis qurtara bilər.

Dolça - Mürəkkəb gündür, xeyli itkiniz ola bilər. Yalnız öz maraqlarınızın qeydinə qalırsınız, bunun axırı isə yaxşı olmur. Yaşlı qohumlarınızla, həyat yoldaşınızla aranızda münaqişə yarana bilər. Təsadüfi tanışlarla dərdləşməyiniz isə bütün gərginliyinizi azaldacaq.
Vacib, möhtəşəm dəyişikliklər istəyirsiniz. Bəzi Dolçalar bunun üçün böyük məbləğdə pul xərcləyir, düşünülməmiş hərəkətlər edirlər. Yalançı ümidlərə bel bağlamayın, hər parıldayan qızıl deyil. Reallığı görməyə çalışın.

Balıqlar - Gününüzün böyük hissəsini yaxınlarınızın qayğısını çəkməyə həsr edəcəksiniz. Bu sizi hətta sevindirir, çünki bu zaman həllinə necə və haradan başlamağı bilmədiyiniz problemləri unudursunuz. Heç kimi tənqid etməyin: bu gün sizin üçün çox qiymətli olan bir insanın qəlbini qıra bilərsiniz.
Zədə almaq ehtimalınız yüksəkdir. Gücünüzü düzgün hesablamırsınız, bu səbəbdən xoşagəlməz hallar mümkündür. Açıq ocaqdan kənar olun. Maliyyə vəziyyətiniz ürəkaçan deyil.