Qoç - Günün ilk yarısı çox diqqətli olun. Bu müddətdə böyük səhvlərə yol verə bilərsiniz. Bunların nəticəsi çox ağır ola bilər. Öz fikrinizi özünüzdə saxlayın, mümkün qədər yaxınlarınızla mübahisə etməməyə çalışın. Yeni işlərə başlamayın. Xoşunuza gəlməyən adamları qonaq etməli olacaqsınız.
Günün ikinci yarısı şərait yaxşıya doğru dəyişəcək. Maraqlı bir işə başlamaq, səhvləri düzəltmək imkanı yaranacaq. Müəyyən miqdarda pul da ala bilərsiniz.

Buğa - Çətinliklərin də yaxşı tərəfini tapmağa nail olacaqsınız. Yeni perspektivlər peyda olur. Bir çox Buğalar kommersiya və peşəkarlıq baxımından çox uğurlu olan yeni ideyalarını işə sala bilərlər. Yeni tanışlıqlar üçün əla gündür. Bu, ilk növbədə səfərdə olan Buğalara aiddir.
İntuisiyanıza güvənin, o bu gün səhv etmir. Qarşınıza qoyduğunuz məqsədlərə çatmaqda qadınların sizə böyük köməyi dəyəcək. Şəxsi həyatınızda gözlənilmədən dəyişiklik ola bilər, amma yeni şəraitdən baş tapmaq sizə çətin olmayacaq.

Əkizlər - Təzadlı gündür. Elə əhvalınız da bu cürdür. Odur ki, darıxmağınız mümkün deyil. Yeni maraqlı fürsətlər yaranır. Bunlardan yararlanmaq üçün kifayət qədər cəsarətiniz var. İşiniz artsa da, yorğunluq hiss etmirsiniz, enerjiniz çoxdur.
Yaxınlarınızla fikir ayrılıqları, dostlarınızla mübahisə mümkündür. Siz hirslənir, gərəksiz sözlər deyirsiniz, amma vaxtında dilinizi dişləyir və hər şeyi zarafata çevirməyi bacarırsınız. Sevdiyiniz adama romantik sürpriz edin: münasibətlərinizdə bir qədər yeniliyə ehtiyac var.

Xərçəng - Xoş gündür, bir çox yeni başladığınız işlərinizdə sizi uğur gözləyir. Nikbinsiniz, bu həm cari məsələlərin həllində, həm də ətrafdakıların rəğbətini qazanmaqda sizə kömək edir. Yaxşıca əylənə, dostlarınızla əla vaxt keçirə bilərsiniz.
Yaradıcı potensialınız yüksəkdir. Baş verənlərə reaksiyanız qeyri-adidir. Həm vacib məlumat alacaq, həm də onu düzgün qavrayacaq, tətbiq edəcəksiniz. Nüfuzlu adamlarla, dövlət idarələrinin işçiləri ilə təmaslar üçün münasib gündür.

Şir - Bu gündən etibarən həyatınızda əla bir dövr başlanır. Uzunmüddətli planlar qurmağın əsl vaxtıdır - çox tezliklə bunları həyata keçirə biləcəksiniz. Yaxınlarınızla asan dil tapırsınız, yeni tanışlıqlarda da sizi uğurlu saymaq olar. Qarşı cinsin nümayəndələrinin sizə göstərdiyi diqqət bu gün bütün normaları aşır, bu səbəbdən romantik macəraların sayı da çoxalır.
Müstəqil, qeyri-adi insanlarla təmaslar faydalıdır. Bəzən öz yaradıcı qabiliyyətləriniz sizə azlıq edəcək, amma başqalarının ideyalarından istifadə etmək sizə asan olacaq. Qiymətli hədiyyə ala bilərsiniz.

Qız - Çox yaxşı gündür. Həvəsiniz aşıb-daşır, istənilən işə maraq və entuziazmla girişirsiniz. Darıxmaq? - Bu gün sizin lüğətinizdə belə söz yoxdur. Dostlarınıza və qohumlarınıza böyük həvəslə yardım edəcək, dəyər verdiyiniz münasibətlərin möhkəmlənməsində qüvvənizi əsirgəməyəcəksiniz.
Həyatın bütün sferalarında təşəbbüs göstərə bilərsiniz. İdeyalarınızla bölüşüb, özünüzə tərəfdaşlar tapın. Evdə dəyişikliklər etmək, köçmək, yaxud tikintiyə başlamaq olar. Sevdiyiniz adam elə qəfil bir təklif edəcək ki, yox deyə bilməyəcəksiniz.

Tərəzi - Bu günün hadisələrinin sonrakı inkişafı sizin ətrafınızdakılarla münasibətlərinizdən asılıdır. Əgər işbirliyində olduğunuz adamları yaxşı tanıyırsınızsa, o zaman uğur qazanacaqsınız. Əgər bu insanları tanımırsınız, yaxud onlar barədə təsəvvürləriniz yanlışdırsa, o zaman ciddi problemləriniz yarana bilər. Kimsə sizi idarə etmək, xoş niyyətlərinizi öz mənafeləri üçün istifadə etmək istəyəcək.
Düşünülməmiş xərclərdən çəkinin. Sizə lazım olanları alın. Müqavilə bağlamaq məsləhət görülmür. Həmçinin yeni iş ortaqları və tərəfdaş axtarmayın.

Əqrəb - Müsbət tendensiyaların təsiri güclüdür. Xoşagəlməz anlar aradabir olsa da, sizi ciddi narahat etməyəcək. Gələcəyə nikbinliklə baxın. Maraqlı görüşlər mümkündür. Qeyri-adi bir insanla rastlaşa bilərsiniz. Alış-verişə çıxmaq olar. Sizə lazım olan əşyalara pul xərcləməkdə xəsislik etməyin.
Təhsil, tədqiqat və yaradıcılıq üçün münasib gündür. Dəyərli ideyaları göydə tutur, faydalı məlumatı yaxşı «həzm edirsiniz». İmicinizlə eksperiment edə bilərsiniz. Səfərləriniz yaxşı keçəcək.

Oxatan - Məhsuldar gündür. İşlərə bir qədər canıyananlıqla yanaşsanız, tezliklə uğur qazana bilərsiniz. Ətrafınıza baxın, görün sizə kömək etmək istəyən nə qədər adam var! Kimsə işdə kömək edə bilmir? Narahat olmayın, beləsinin sizinçün dəyərli məsləhətləri olmamış deyil. Alış-veriş və sövdələşmələr üçün uğurlu gündür. Məişət texnikası almaq olar.
Hərdən o qədər qabağa qaçırsınız ki, bir də görürsünüz, ətrafınızdakılardan yanınızda kimsə qalmayıb. Amma bu sizi qıcıqlandırmır, istənilən halda yaxşı əhvalı qoruyub-saxlayacaqsınız. Bu gün aşiq olmaq ehtimalınız böyükdür.

Oğlaq - Sakit, rahat gündür. Sizi heç nə narahat etmir. Cari işlərin öhdəsindən asanlıqla gəlirsiniz. Təklikdə yaxşı işləyir, başqalarının işini də yaxşı təşkil edirsiniz. Səfərlər və şəhər kənarındakı istirahət yaxşı keçəcək.
Romantik görüşlər üçün münasib gündür. Çoxdan xoşunuza gələn adama ürəyinizi aça bilərsiniz. Lazımsız əşyalardan canınızı qurtarın. Evdə təmizlik edin, mebelin yerini dəyişin. İdmanla məşğul olmaq, komanda oyunları əhvalınızı yüksəldəcək.

Dolça - İşlər əladır, bircə əhvalınız hər şeyi korlayır. Bəzən əsəbi və tərssiniz. Hərdən də o qədər şıltaq olursunuz ki, dözülməz dərəcədə. Ancaq ətrafınızdakılar buna yumorla yanaşırlar. Uşaqlarla ünsiyyət, açıq havada şən oyunlar üçün yaxşı gündür. Günün ikinci yarısı gözlənilməz qonaqlarınız gələ bilər.
Enerjiniz çoxdur. Müxtəlif kosmetik və səhhət üçün gərəkli prosedurlar effektiv olacaq. Bugünkü alış-verişiniz uğurlu olacaq. Əntiq mallar və sənət əsərləri almaq məsləhətlidir. Bu gün seçdiyiniz əşyaların qiyməti vaxt ötdükcə artacaq.

Balıqlar - Əsəbi, gərgin, mürəkkəb gün olsa da, yaxşı tərəfləri də çoxdur. Günün ikinci yarısı yeni tanışlıqlar gətirəcək. Şəxsi problemləriniz gözlənilmədən həll olunacaq, yeni imkanlar yaranacaq. İlk əvvəl isə ailə problemlərinin həlli ilə məşğul olmaq, həmçinin öz prioritet və planlarınızı gözdən keçirmək lazımdır.
Bu gün zədə almaq ehtimalınız yüksəkdir. Çox diqqətli olun. Valideyn Balıqlar bu gün çox diqqətli olmalıdırlar. Ekstremal idman növləri ilə məşğul olmaq, risk etmək məsləhət deyil.