Rayonda xüsusən şəhər sakinləri ikinci gecədir ki, səhəri həyətlərdə keçirir.
Bu gecə saat 23.20 radələrində rayonda növbəti dəfə zəlzələ qeydə alınıb.
Dərhal rayonun müvafiq təşkilatları iş rejiminə keçib. Xüsusən şəhər ərazisində çoxmərtəbəli binalarda yaşayan sakinlər təşvişə düşüb.
Sakinlərin əksəri həyətlərə düşüb və buradakı xeyr-şər evlərində və sığınacaqlarda qərarlaşıb. Şəki Mərkəzi Rayon Xəstəxanasının təcili tibbi yardım briqadaları ərazilərə göndərilib və lazım gələn hallarda sakinlərə ilkin tibbi yardım göstərilib.
Bu arada Fövqəladə Hallar Nazirliyi Respublika Seysmoloji XidmətMərkəzinə istinadən xəbər yayıb ki, iyunun 26-da saat 23.25 dəqiqədə Şəki şəhərindən 10 kilometr qərbdə 3 bal gücündə zəlzələ baş verib.
Dağıntı və tələfat olmayıb.
Hörmətli ziyarətçi, Siz qeydiyyatdan keçməmiş istifadəçi kimi sayta daxil olmusunuz.
Biz Sizə qeydiyyatdan keçməyi və ya öz adınz ilə sayta daxil olmağı məsləhət görürük.