Baxmayaraq ki, yayda qızlar sarafan və mini ətəklərə daha çox üstünlük verir, şalvarsız və cinssiz keçinmək olmur. Şalvarlar hər vəziyyətdən çıxa bilmək qarderobun əsas geyimləridir. 

Pijama stilində - Yüngül metarilandan hazırlanmış şalvarlarda istinin təsirini hiss etməyəcəksiniz. Şəhərdə gəzmək üçün idealdır. Onları həm sandal, həm də tanketka ilə kombin etmək olar. Ağ mayka və nazik jeket ilə də görüntü tamamlaya bilərsiniz.

Cinslər - Cinslər dəb aləmində artıq klassikaya çevrilə bilib. Cins seçərkən bədən quruluşunu da nəzərə almaq lazımdır. Qüsurları maksimum dərəcədə örtən cinslərə üslük verin. Yayda açıq rəngli cinslərə üstünlük verin. Etnik stildə köyməklə cinsləri kombin etmək bu mövsüm çox dəbdədir.

Yüksək belli şalvarlar - Yüksək belli şlavarlar qadın obrazına zəriflik qatır və retro stilini xatırladır. Odri Xepbern kimi klassik baletklarla geyinə bilərsiniz. Ayaqları qısa olarsa, daha uzun boylu görünəcəksiniz.

Boş cinslər - Bu şalvarlar kişilərin qarderobundan daxil olub. Bu mövsüm məşhurluğunun zirəvsini yaşayır. İdman stilində olmasına baxmayaraq, klassik ayaqqabılarla əla qalır. Dar maykalar isə obrazı daha maraqlı edəcək.

Qara şalvarlar - Qara sadə və nazik şalvarları yayda gündüz stilindən tutmuş gecə ziyafətlərinə qədər geyinmək olar. Onları rəngli və bəzəkli köynəklə kokteyl gecələri üçün kombin etmək olar.

Parlaq cinslər - Əlvan və eyni tonlu cinslər yayın hit geyimidir. İdman üslubunu sevənlər sadə köynəklə gündəlik obraz yarada bilərlər.

Naxışlı və işləməli şalvarlar - Bu şalvarla diqqət mərkində olmaq qaçılmazdır. Bu baxımdan onları eyni tonlu, neytral mayka və köynəklə kombin edin. Şalvarın üstündəki şəkillər müxtəlif ola bilər. Lakin etnik işləmələr bu yay daha aktualdır. Hündürdaban üstü açıq ayaqqabılarla ideal və mükəmməl görüntü əldə edə bilərsiniz.

Safari stilində şavlarlar - Safari stili dəbdən heç vaxt getmir. Xüsusən də yay mövsümündə daha da aktual olmağa başalyır. Açıq rəngli şalvar və köynəklə romantik iş obrazı yaratmaq olar.