19 apreldə Bakıda dünyanın ən məşhur markalarından biri “Fendi”nin rəsmi geyim mağazası açılacaq. Mağazanın açılışı gecə kokteyli ilə davam edəcək. Sözsüz ki, bu xəbər dəb sevənlərin ürəyincə olacaq. Açılış mərasimində brendin nümayəndə heyəti, o cümlədən Flaviya Lazarini və italiyalı brend gecələrin dj-i iştirak edəcək.

FENDI Baguettemania nəhayət ki, Bakını da fəth edəcək. 15 il ərzində Fendi Roma, Paris, Nyu-York, Tokio,Milan və Honkonq kimi şəhərləri səyahət edib. Çanta Silviey Venturini Fendi tərəfindən 1997-ci ildə hazırlanıb və bütün məşhur qadınların sevilən çantasına çevrilə bilib. İordaniya şahzadəsi Ranii, Madonna, Sara Cessika Parker Şarlotta Kaziraqidən, Culiya Robertsə qədər Fendi çantalarını sevən qadınlar sırasındadır.

Butikdə Karl Lagerfeld tərəfindən məhdud sayda unikal eskizlər, geyimlər, həmçinin Rizzolinin redaktəsi ilə nəşr olunmuş Baguette kitabı təqdim olunacaq. Baguette-nin yaranışında vaxt mühüm amil hesab olunur və əllə hazırlanır. Ona görə də onun istehsal müddəti çox vaxt aparır. Müştərilərin səbrsizliyinə baxmayaraq, onun alıcıları günbə-gün artır.