Azərbaycanda kütləvi arxeoloji qazıntılar başlanır
Bu il ölkə ərazisində 6 beynəlxalq arxeoloji ekspedisiya fəaliyyət göstərəcək
Bu il Azərbaycanın 40-dək bölgəsində arxeologi ekspedisiyalar aparılacaq. Bu barədə Azərbaycan Milli Elmlər Akademiyasının (AMEA) Arxeologiya və Etnoqrafiya İnstitutunun direktor müavini Nəcəf Müseyibli bildirib. Onun sözlərinə görə, arxeoloji qazıntılar bu aydan başlanır və noyabra qədər davam edəcək. Artıq Şəmkirdə və Qəbələdə arxeoloji ekspedisiyalar başlayıb. Digər eskpedisiyalar isə mərhələ-mərhələ yola salınacaq.
Qazıntılar ölkənin bütün bölgələrini əhatə edəcək. N. Müseyibli deyib ki, təkcə Qarabağ ərazisində 5 arxeoloji ekspedisiya çalışacaq. Onlardan biri beynəlxalq ekspedisiyadır. Bu il Azərbaycan ərazisində 6 beynəlxalq arxeoloji ekspedisiya fəaliyyət göstərəcək.
“TRT” teleradio kanalı "Azerspace"dən yayımlanacaq
Türkiyənin "TRT teleradio kanalının yayımı Azərbaycan peyki Azerspace/Africasat-1a-nın platformasından həyata keçiriləcək. Bu barədə Rabitə və İnformasiya Texnologiyaları Nazirliyinin yaydığı məlumatda bildirilir.
Məlumata görə, bununla əlaqədar olaraq, Rabitə və İnformasiya Texnologiyaları Nazirliyində nazir Əli Abbasovla TRT-nin baş direktoru İbrahim Şahin arasında görüş baş tutub.
Şahinin sözlərinə görə, ilkin mərhələdə quruma məxsus 3-4 telekanalın yayımının təşkilinin "Azerspace-1" üzərinə keçirilməsi planlaşdırılıb. Hazırda teleradio şirkətinə 15 ədəd teleradio kanal məxsusdur.
Görüşdə, həmçinin genişzolaqlı internet xidmətlərinin yaratdığı geniş imkanlar, ciddi rəqabət mühitində radio-televiziya və internet televiziyaya maraq, eyni zamanda radio-TV yayım üzrə peşəkar kadr hazırlığı, bu sahədə təcrübə mübadiləsi, internet üzərindən aparılan təhsil və yeni fürsətlər ətrafında da müzakirələr aparılıb.
Hörmətli ziyarətçi, Siz qeydiyyatdan keçməmiş istifadəçi kimi sayta daxil olmusunuz.
Biz Sizə
qeydiyyatdan keçməyi və ya öz adınz ilə sayta daxil olmağı məsləhət görürük.